Kuri uyu wa 13 Gashyantare 2025, ku bitaro byo ku rwego rwa Kabiri byigisha bya Kibungo habaye igikorwa cyo kwizihiza umunsi mukuru w’abarwayi ku nsanganyamatsiko “IBYIRINGIRO NTIBIKOZA ISONI” (Abaroma 5:5).

Ni igikorwa kitabiriwe n’Umuyobozi w’Akarere ka Ngoma Niyonagira Nathalie, Umuyobozi w’Ibitaro Dr. Munyemana Jean Claude, abahagarariye amadini n’amatorero n’imiryango iyashamikiyeho, abaturuka mu nzego z’abikorera, abakozi b’Ibitaro, abarwayi n’abarwaza

Umuyobozi Mukuru w’Ibitaro Dr. Munyemana Jean Claude yifurije umunsi mwiza abarwayi abizeza gukomeza kwitabwaho uko bikwiye.Ati “Icyo duharanira ni ugukora igishoboka cyose ngo tubiteho uko bikwiye, mukire vuba, musubire mu mirimo yanyu yo kwiteza imbere, byose bizagende neza. 

Umuyobozi w'Akarere ka Ngoma Niyonagira Nathalie yashimye ubuyobozi bw'Ibitaro kuri uyu munsi bwateguye, ashima imbaraga igihugu gikomeje gushyira mu kuzamura urwego rwa serivise abarwayi bahabwa, anashimira abatanga ubufasha ku barwayi batishoboye, yifuriza abarwayi gukira vuba.

Muri iki gikorwa buri murwayi yahawe impano igizwe n’ibyo kurya n’ibikoresho by’ibanze nkenerwa by’isuku.